धुंदी फुलाची गंधात आहे, आकार नाही म्हणावे कशाला?
गातात पक्षी बागेत माझ्या, सत्कार नाही म्हणावे कशाला?
माळून स्वप्ने येते मी डोळा, कां दंश व्हावा तुझ्या पापणीला?
दाबून पीडा जगते युगांची, चित्कार नाही म्हणावे कशाला?
सृष्टीत साऱ्या जरी भास त्याचे, करती तमाशा उगा शोधण्याचा
बांधून देऊळ देवास कोंडी, दिशांत दाही म्हणावे कशाला?
नाहीच जमले जरी आज काही, विषादास थारा देतो मनी ना
आशा उद्याची स्वप्नांत वाहे, नाहीच ग्वाही म्हणावे कशाला?
- श्रीधर जहागिरदार
कोणत्याही टिप्पण्‍या नाहीत:
टिप्पणी पोस्ट करा