सोमवार, १८ मार्च, २०१३

कातरवाट

परीट घडीच्या मनावरती
कातरवेळची काजळी
सांदी कोपरी दडून बसले
आठव जुने वटवाघुळी … 


हिंदकळणारी, फडफडणारी
अजस्त्रपंखी कर्कशा
लक्तर लक्तर पिंजून निघते
भावनांची दुर्दशा  …

रंगीत क्षितीजापलीकडे
अंधाराचा हा घसा
इवला इवला होऊन जाई
भेदरलेला शुभ्र ससा  ….


आकांताने रोज चुकावी
त्रिशंकूची कातरवाट  … 
नवी क्षितिजे घेऊन येईल
कुणी सांगावे नवी पहाट  !

 - श्रीधर जहागिरदार
(१९७०) 

कोणत्याही टिप्पण्‍या नाहीत:

टिप्पणी पोस्ट करा