आज राजीनामा मिळाला …
बरच काही लिहिले आहे माझ्या मनाबद्दल ,
होणऱ्या दुर्लक्षाबद्दल … म्हणून म्हणे
मनातून निघून जायचा निर्णय घेतलाय !
लिहिलंय, " रुजू होताना
बरीच स्वप्ने दाखवली होती,
अख्खा करिअर ग्राफ मांडला होता
यमकापासून गमकापर्यंत …
म्हणाला होतात ' स्पार्क आहे,सहज पोहोचेन गझलेपर्यन्त
अस माझ पोटेन्शियल जोखल होत …
पण मुक्त च सोडलत मला, कारण
माझ एटीट्युड, इनिशियेटीव, सेल्फ मोटिवेशन...
आणि टार्गेट अचीव होतच होते - दर रोज चारचे -
चार समूहांवर भेटी देत … वर मालकी हक्काची भिंत !!
नारकासीस झाला तुमचा
लाईकी आणि कमेंट बघून,
आत्मशोधाचा प्रवास खुंटला तुमचा तिथेच
आणि म्हणून माझाही ….
माझ्या डेवलपमेंटचा विचार केला नाहीत
कधी ट्रेनिंगला धाडले नाहीत,
छंद, वृत्त, बहर ह्याचे स्किल
छंद, वृत्त, बहर ह्याचे स्किल
माझ्यात जिरवले नाहीत,
मीटर मध्ये मला रचले नाहीत …
वेळ आली तसे अप्रेज केलेत एकदा
बोर्डरूम मध्ये, आणि ठरवलेत मला
"स्ट्यागनेटेड" !!
सो बी ईट … "
राजीनामा तिचा आलाय
आणि मलाच झालय
अस्वस्थ बेरोजगारासारख,
माझ्याच मनात …
माझ्याच मनात …
