चाहूल कशाची आहे... ?
ही भूल ... तुझी तर नाही?
धूसरशी वाट अशी कां
मज ओढ लावुनी पाही ...
ही भूल ... तुझी तर नाही?
धूसरशी वाट अशी कां
मज ओढ लावुनी पाही ...
स्मरणातुन ओघळताना
ही बोच कशाला उरते
पानातुन सुकली बकुळी
वाऱ्यावर अलगद उडते ...
भवताल अशातच उधळे
धूपाचा दर्प कुठुनसा
कोलाहल झांज रवाचा
हो श्वास जरा कातरसा...
विस्तारत जाती अंतर
बीजातुन फुलता नाती
जे फूल उरावे तरूवर
ते गळते शोधत माती ...
- श्रीधर जहागिरदार
२९ आगस्ट २०१७
