इथे काळजाला घरे आजही
तुझे चाललेले बरे आजही ....
तुझे चाललेले बरे आजही ....
फुलांचे दिलासे असू दे तुला
इथे वेदनांचे झरे आजही….
जरी सत्य होते जगा ज्ञातसे
पुरावेच ठरती खरे आजही …
किती बोललो, हासलो केवढे
कुठे मौनलो ते स्मरे आजही ….
असे भेटलो, काय सांगू सखे
पहा …चंद्र डोही तरे आजही …
तनी कंटकाचाच शेला जरी
उरातील जपले गरे आजही ...
पुन्हा सैल केलास संभार तू !
पुन्हा सैल केलास संभार तू !
जगू दे जरा, 'श्री' मरे आजही …
- श्रीधर जहागिरदार
२४ - ०१ - २०१५
कोणत्याही टिप्पण्या नाहीत:
टिप्पणी पोस्ट करा