शुक्रवार, २ जानेवारी, २०१५

नदी : (अमेय पंडित यांच्या काव्य प्रतिभेस )






नदी 
कशीही वळते
झाडातून, माडातून ,
वनातून, रानातून….
निर्वेध वहाते
दरयातून, खोऱ्यातून
माजलेल्या तोरयातून …

सहज सळसळते
बेधडक खडकातून
नागमोडी वळणातून …
अकस्मात कोसळते
उत्तुंग प्रपातातून…
संथ वहाते
गहन खोल पात्रातून …
नदी
भेटली होती का कधी
अमेय, तुमच्या प्रतिभेला ?

- श्रीधर जहागिरदार
१ जून २०१३   

कोणत्याही टिप्पण्‍या नाहीत:

टिप्पणी पोस्ट करा