तुझी आठवण येते!
हे हळवेपण;
कळते, सलते, तरी ओघळते,
पानावरुनी अलगद दंव कण!
तुझी आठवण येते!
ही हतबलता;
छळते, गिळते, उरी गलबलते,
कातर वेळा मनात भरता!
तुझी आठवण येते!
हे आधारित जगणे;
रुतते, खुपते, मनात सलते,
नजरेत आपुल्या मरणे!
तुझी आठवण येते!
ऋण जन्माचे;
जपते, फिटते, तरीही उरते
बंधन, भाव मनाचे!
तुझी आठवण येते!
स्निग्ध दिलासा
देते, भरते, रीत्या मनाते
विश्वास हवा हवासा!
- श्रीधर जहागिरदार
१९ - ०४ - २०१२
कोणत्याही टिप्पण्या नाहीत:
टिप्पणी पोस्ट करा