मंगळवार, ६ मार्च, २०१२

धरबंद असावा....


 

दरवाजा कां घराचा बंद असावा
आशिकांचा मेळावा छंद असावा!

भ्रमरांचे गुंजारव गुंतवी मना,
वाटले उगा तिथे मकरंद असावा!

बोलतो मधाळसा तुज भेटता मुका,
विरघळला अधरात गुलकंद असावा!

ते कटाक्ष, ती अदा, घायाळ जाहलो,
त्या क्षणी गमले मला धरबंद असावा!

कां उगाच शोधतो बाहेर दिलासे,
अंतरी खोल खरा आनंद असावा!

सोनेरी पिंजरे हे खुणावती जगी
पक्षी मनाचा नभी स्वच्छंद असावा!

- श्रीधर जहागीरदार
२५ .२ २०१२

कोणत्याही टिप्पण्‍या नाहीत:

टिप्पणी पोस्ट करा