कविता - एक शब्दखेळ

मी एक झाड पाहिले, शब्दांनी रसरसलेले , मातीतून उगवून आठवणींच्या, आकाशाला भिडलेले ..

मंगळवार, २० ऑगस्ट, २०२४

बुजगावणे

त्याने रिवाजाप्रमाणे

उंच उभारले .... बुजगावणे.

आणि केले भरात आलेले

आपले शेत त्याच्या हवाली.

निर्धास्त झाला तो!

आताशा बकाल झालंय आकाश

भिरभिरणारी पाखरं हरवून

गिधाडं सांभाळतय ते.

हे त्याच्या कधी लक्षात येणार?

- श्रीधर जहागिरदार

२०.८.२०२४

श्रीधर जहागिरदार येथे १०:५९ PM कोणत्याही टिप्पण्‍या नाहीत:

शेअर करा

मुख्यपृष्ठ

वेब आवृत्ती पहा

माझ्याबद्दल

श्रीधर जहागिरदार: मुंबई, भारत, India; मूळ इन्दौरात। त्याआधिचे शोधण्याचा मी प्रयत्न केलेला नाही। कारण मी इतिहास संशोधक नाही। शिकलो भौतिक शास्त्र। अर्थार्जनास्तव शिरलो बैंकिंग क्षेत्रात। तिथे ३५ वर्ष रमलो। आयुष्याच्या ताळेबंदात गफलत झालेली दिसताच जमा-नावे हा हिशेब सोडून, प्रशिक्षण करू लागलो। गेली २5 वर्षे इतरांना विचार करायला लावयाचा आणि पटले तर बदल घडवून आणायला प्रेरित करायचा प्रयत्न करत आहे। जमतील तशा आणि जमेल तेव्हा कविता लिहायच्या। रंगभूमीवर , विशेषत: मराठी रंगभूमीवर काय सुरु आहे हयात रस । वाचन हा छंद।

माझे पूर्ण प्रोफाइल पहा.

Blogger द्वारे प्रायोजित.